Aktual mövzular: Dollar alış-satışı, Neftin qiyməti, COP29, Hava proqnozu

Bondun sevgilisinin ölüm xəbəri yalan çıxdı

Tarix: 5 Yanvar 2021 23:24

Ötən gün "Agent 007" filmində Ceyms Bondun sevgilisi obrazını canlandıran aktrisa Tanya Robertsin ölüm xəbəri yalan çıxıb.

Sonxeber.net axşam.az-a istinadən xəbər verir ki, "Associated Press"in yaydığı məlumata görə, 65 yaşlı aktrisa hazırda reanimasiyadadır.

Dünən aktrisanın vəfat etdiyini deyən Tanyanın nümayəndəsi Pinqel bu gün sözlərini təkzib edib.

O bildirib ki, ölüm xəbərini ona sənətçinin həmkarı Roberts Lans O Brayen verib.

Həkimlər Robertsə aktrisanın vəziyyətinin kritik olduğunu və yaşamaq üçün heç bir şansı olmadığını bildiriblər. Daha sonra O Brayen Tanya ilə vidalaşmaq üçün reanimasiyaya girib və onu qucaqlayıb. Son dəqiqələrdə aktrisa gözlərini açıb.

Qeyd edək ki, Tanya Roberts Milad günü ərəfəsində iti ilə gəzməyə çıxmışdı. Evinə qayıdarkən yolda yıxılıb və kəllə-beyin travması almışdı. Xəstəxanaya yerləşdirilən aktrisanı həkimlər süni nəfəs aparatına qoşmuşdular.

Whatsapp ilə göndər