Aktual mövzular: Dollar alış-satışı, Neftin qiyməti, COP29, Hava proqnozu

“Microsoft” avtonom avtomobillər istehsalçısına 2 milyard dollar yatırıb

“Microsoft” avtonom avtomobillər istehsalçısına 2 milyard dollar yatırıb

Tarix: 26 Yanvar 2021 19:44

"Microsoft" korporasiyası ABŞ-ın "General Motors" konserninin avtonom avtomobillərin istehsalı ilə məşğul olan "Cruise" bölməsinə investisiya yatırıb. Sövdələşmənin yekunları üzrə "Cruise" şirkəti "Microsoft", "Honda" və bir sıra digər sərmayədardan 2 milyard dollar cəlb edib ki, bu da şirkətin ümumi dəyərini 30 milyard dollaradək artırmağa imkan verib.

Sonxeber.net ictnews.az-a istinadən bildirir ki, "Microsoft", həmçinin layihənin strateji tərəfdaşı qismində çıxış etməyə başlayıb. Sazişin şərtlərinə görə, konsernin "Cruise" törəməsi gələcəkdə işə salınacaq robot taksilər servisi üçün istifadə ediləcək "Azure" "bulud" hesablama platformasına keçəcək.

Məlumata görə, tərəfdaşlıq çərçivəsində "Cruise" "bulud" servislərinə qənaət edəcək, "Microsoft" isə qabaqcıl texnologiyaları maşın öyrənmə (Machine learning) və "ağıllı" avtomobillər sahəsində sınaqdan keçirmək imkanı əldə edəcək.

2013-cü ilin oktyabrında yaradılan "Cruise" 2016-cı ilin martında "General Motors" tərəfindən satın alınıb. Sazişin dəyəri açıqlanmayıb.


Etiketlər:  Microsoft avtonom avtomobillər istehsalçısına milyard dollar yatırıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ