Aktual mövzular: Dollar alış-satışı, Neftin qiyməti, COP29, Hava proqnozu

''AzərGold'' iqtisadi fəallıqla bağlı Əlavə Tədbirlər Proqramı hazırlayıb

Tarix: 2 Fevral 2021 11:32

Bakı. Samir Əli - Trend:

2020-ci ildə “AzerGold” icrası nəzərdə tutulmuş layihələr portfelini geniş təhlil edib.

Trend-in məlumatına görə, bunu “AzerGold” Qapalı Səhmdar Cəmiyyətinin İdarə Heyətinin sədri Zakir İbrahimov ötən ilin yekunlarına dair mətbuat konfransında bildirib.

Onun sözlərinə görə, ölkədə iqtisadi fəallığın qorunmasına və təşviqinə töhfələrin verilməsi məqsədilə QSC-də Əlavə Tədbirlər Proqramı hazırlanıb: "Əlavə Tədbirlər Proqramının icrası ilə regionlarda məşğulluğun artırılması istiqamətində mühüm addımlar atılıb, podratçı şirkətlər daxil olmaqla işlə təmin edilmiş əməkdaşların orta sayı 658 nəfər təşkil etmiş, ümumilikdə 20,7 milyon manat məbləğində vəsait ölkə iqtisadiyyatına cəlb edilib. Proqramın icrası üçün tələb edilən vəsait dövlət büdcəsindən ayırmalar hesabına deyil, Cəmiyyətin "Bakı Fond Birjası" QSC-də yerldəşdirdiyi istiqrazlarıhesabına təmin edilib. İki tranş üzrə baş tutmuş və 20 milyon ABŞ dolları təşkil edən istiqraz emissiyasında tələb təklifi orta hesabla 2 dəfədən çox üstələyib, Cəmiyyət üçün illik faiz xərci 4%-dən 3,36%-ə düşüb".

Whatsapp ilə göndər