Gecikmiş neyrosifilis

Tarix: 6 Fevral 2021 07:03

Gecikmiş neyrosiflisin kliniki əlamətləri xəstəliyə yoluxduqdan 7-8 il sonra meydana çıxmağa başlayır və sifilisin gedişinin üçüncü mərhələsinə bənzəyir.
Bu zaman iltihabi-distrofik dəyişikliklər onurğa və baş beyinin sinir hüceyrələri,ötürücü yolları və qliyarlarda aşkar olunur.Diffuz damar reaksiyalarından başqa yumşalma ocaqları,iri hüceyrəli adventistal infiltiratlar,qişalardan başlayaraq beyin maddəsainə doğru böyüyən düyünlər qeyd edilir.Zaman keçdikcə çoxlu şiş düyünləri şəklində olan olan kiçik kütlələr mərkəzdən dağılaraq fibroz xarakterə uyğun şəkil alır.
Gecikmiş neyrosiflisin bir-neçə forması ayırd edilir.
Erkən forma klinikasına görə meningit əlamətləri ilə meydana çıxır.Bu zaman xəstəlik tədricən inkişaf edir,xroniki residiv gedişə malik olur.Xəstələrdə nevroloji əlamətlər meydana çıxır və aşağıdakı əlamətlər özünü göstərir:
- baş ağrıları
- qusma
- ümumi beyin əlamətləri
Xəstəliyin faskulyar forması damar divarının iltihabı və produktiv xüsusiyyətləri ilə meydana çıxır.Bu zaman xəstələrdə beyin qan dövranının pozulmaları ilə müşahidə olunan insult əmələ gələ bilir.Çoxlu damarlar zədələndikdə isə təkrar insultlar baş verə bilir.
Gecikmiş neyrəsifilis zamanı xəstələrdə hemiparez,hemiplegiya,hissiyyat pozulmaları,afaziya,yaddaşın pozulması,ümumbeyin əlamətləri meydana gələ bilir.Bu zaman xəstələrin bəbəkləri ikitərəfli deformasiyaya uğrayır.
Xəstəliyin diaqnostikası çoxsaylı iltihab ocaqlarının olmasına və əlamətlərin kəskinlik dərəcəsinə əsaslanır.
Müalicə zamanı antibiotiklər və hormonlar tətbiq edilir,beyin əlamətlərinin aradan qaldıran dərman preparatlarından istifadə edilir.