Aktual mövzular: Dollar alış-satışı, Neftin qiyməti, COP29, Hava proqnozu

Çin süni intellekt haqqında elmi nəşrlərin sayına görə liderdir

Çin süni intellekt haqqında elmi nəşrlərin sayına görə liderdir

Tarix: 4 Mart 2021 13:39

Stenford Universitetinin araşdırmasına görə, Çin süni intellekt məsələləri üzrə elmi araşdırmaların sayına görə ABŞ və Avropanı geridə qoyaraq lider olub.

 

“ICTnews” Elektron Xəbər Xidməti “nauka.tass.ru” saytına istinadən yazır ki, Çin həm elmi jurnallarda dərc edilmiş nəşrlərin ümumi sayına görə, həm də resenziyalaşdırılmış (rəy verilmiş) nəşrlərin sayına görə əsas rəqiblərini (Avropa İttifaqı və ABŞ) qabaqlayır. Birinci halda elmi məqalələrin ümumi sayının 22,4%-i Çinin, 16,4%-i Avropa İttifaqının, 14,6%-i isə ABŞ-ın payına düşür, ikinci halda isə bu göstərici müvafiq olaraq 18%, 8,6% və 12,3%-ə bərabərdir.

 

Lakin Stenford Universitetinin mütəxəssisləri qeyd ediblər ki, ABŞ süni intellekt sahəsində praktik fəaliyyət göstərən elmi müəssisələr və şirkətlərlə əməkdaşlıq çərçivəsində hazırlanmış tədqiqatların həcminə görə liderliyini qoruyub saxlayır.

 

Sitat gətirmə indeksinə görə Sinqapur, Avstraliya və İsveçrə ön pillələri tutublar.

 

Emil Hüseynov




Etiketlər:  Çin süni intellekt haqqında elmi nəşrlərin sayına görə liderdir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ