Aktual mövzular: Dollar alış-satışı, Məzənnə, Neftin qiyməti

Dayanacaqlarda ödəmə terminalları niyə yoxdur? - VİDEO

Tarix: 1 Aprel 2021 11:26

Ərazidən ödənişi yalnız kartla qəbul edən marşurut xəttinin avtobusları keçir. Lakin dayancaqlarda ödəmə terminalları yoxdur. Problem paytaxtın Xətai rayonu NZS qəsəbəsində yaşanır. Sakinlər dəfələrlə kartın balanısnda pul olmadığı üçün avtobusa minə bilmədiklərini bildirirlər.

32 nömrəli avtobus "28 May" metrostansiyası-"8-ci kilometr" ərazisi üzrə hərəkət edir. Xətai rayonu Nzs qəsəbəsidən Neftçilər metrosuna qədər olan 7 kilometrlik məsafədəki dayanacaqlarda isə Bakı kartın balansını artırmaq üçün ödəmə terminalları tapılmır.

Sərnişinlərin tək istəyi aidiyyatı qurum olan Bakı Nəqliyyat Agentliyinin əraziyə baxış keçirməsi və ehtiyac olan dayanacaqlara terminalların qoyulmasıdır.

Milli.Az xezerxeber.az-a istinadən bildirir ki, sözügedən məsələ ilə bağlı Bakı Nəqliyyat Agentliyinin sözçüsü Mais Ağayev ''Xəzər Xəbər'' ə bildirdi ki, ödəmə terminalı sərnişin sıxlığı nəzərə alınaraq qoyulur.

Vətəndaşlar da qısa zamanda ödəmə terminallarının sayının artırılacağına və gediş-gəlişdə heç bir problemlə rastlaşmayacaqlarına ümid edirlər.

Milli.Az

Whatsapp ilə göndər