Aktual mövzular: Dollar alış-satışı, Neftin qiyməti, COP29, Hava proqnozu

Vətənin etibarlı oğlu - VİDEO

Tarix: 14 Iyun 2021 13:44

Şəhid Etibar Həsənov Şuşanı azad edəndən 1 gün sonra şəhadətə yüksəlib

Sonxeber.net Real TV-ə istinadən bildirir ki, o, Şuşanı azadlığa, Azərbaycana qovuşduran qəhrəman hərbçilərimizdən biridir - Etibar Həsənov. Doğmaları, ailəsi, övladları ilə yanaşı, Vətənə də etibarlı oğul oldu. Gədəbəy rayonunun Qarıkənd kəndində anadan olan Etibar 2009-cu ildə hərbi xidmətə yollanıb. Vətənə ilk xidmətini uğurla başa vuraraq qayıtdıqdan sonra ailə qurub. Daha sonra hərbiyə olan marağı onu yenidən ordu sıralarına qaytarıb, müddətdən artıq hərbi qulluqçu kimi fəaliyyətə başlayıb:

Vətən müharibəsin zamanı Füzuli, Şuşa uğrundakı döyüşlərdə şücaətlə vuruşan Etibar Həsənov Şuşanı düşmən əsarətindən qurtarandan 1 gün sonra şəhadətə yüksəldi. Artıq hər il Zəfər günümüzdə xalq onun kimi igid vətən oğullarının da şəhadətini, əbədi qalibiyyətini qeyd edəcək.

Vətən yolunda canını fəda edən Etibar Həsənov ölümündən sonra "Vətən uğrunda", "Şuşanın azad olunmasına görə", "Hərbi xidmətlərə görə" medalları ilə təltif edilib. İndi Etibarın arzuları vətənə əmanət etdiyi iki övladı ilə boy atır.

Whatsapp ilə göndər