Aktual mövzular: Dollar alış-satışı, Neftin qiyməti, COP29, Hava proqnozu

Pul yığmaq üçün anasını “diri-diri basdırdı”

Tarix: 15 Iyun 2021 08:12

Rusiyanın Samara şəhərində bir şəxs anasının ölümünü səhnələşdirib.

İstintaq materiallarından məlum olur ki, 41 yaşlı kişi hər şeyi əvvəlcədən planlaşdırıb.

Sonxeber.net oxu.az-a istinadən bildirir ki, o bir neçə ay iş yoldaşlarına anasının ağır xəstə olduğunu deyib, bir müddət sonra isə guya ona gələn zənglə anasının öldüyünü bildirib.

İş yoldaşları həmin şəxsə mənəvi dəstək olmaqla yanaşı həm də maddi kömək göstəriblər. Onlar 25 000 rubl (590 AZN) toplayaraq kolleqalarına veriblər. Maliyyə şöbəsindən həmin şəxsinin anasının ölüm şəhadətnaməsi istənilən zaman həqiqət üzə çıxıb.

Məlum olub ki, onun anası sağdır. Qadın baş verənlərdən xəbərsiz olduğunu deyib.

Kişi səhvini boynuna alıb və pula ehtiyacı olduğu üçün belə etdiyini bildirib. Onu iki ilə qədər həbs gözləyir.

Whatsapp ilə göndər