Aktual mövzular: Dollar alış-satışı, Neftin qiyməti, COP29, Hava proqnozu

Gürcüstan quru sərhədi açsa da, Azərbaycandan yalnız hava yolu ilə gedə bilərik

Gürcüstan quru sərhədi açsa da, Azərbaycandan yalnız hava yolu ilə gedə bilərik

Tarix: 29 Iyun 2021 12:02

Son günlər sosial şəbəkələrdə Azərbaycan vətəndaşlarının quru sərhədi ilə Gürcüstana və Türkiyəyə getmək planları müzakirə olunur. Gürcüstanın quru yollarını açması səfərə hazırlaşan Azərbaycan vətəndaşlarında çaşqınlıq yaradıb. Qonşu ölkə quru yolla girişi açsa da, Azərbaycandan isə çıxış bağlıdır.

Sonxeber.net qafqazinfo-ya istinadən xəbər verir ki, bu məsələyə son günlər dövlətin müxtəlif səlahiyyətli şəxsləri tərəfindən də açıqlama verilib.

Prezidentin köməkçisi Şahmar Mövsümov iyunun 15-də jurnalistlərə açıqlamasında bildirmişdi ki, hazırda digər məsələlərdən fərqli olaraq quru sərhədlərinin açılması ilə bağlı məsələ ümumiyyətlə, müzakirə olunmur.

Dövlət Sərhəd Xidmətinin Mətbuat Mərkəzindən də bildirilmişdi ki, Azərbaycan Respublikası Nazirlər Kabinetinin qərarı ilə Azərbaycanda xüsusi karantin rejiminin müddəti 2021-ci il 1 avqust tarixinədək uzadılıb: "Dövlət sərhədindən şəxslərin buraxılışı yalnız müəyyən olunmuş qaydada Nazirlər Kabineti yanında Operativ Qərargah tərəfindən verilən icazə əsasında həyata keçirilir".

Bu arada qeyd edək ki, sözügedən ölkələrə hava yolu xətti ilə səfər etmək mükündür.


Etiketlər:  Gürcüstan quru sərhədi açsa Azərbaycandan yalnız hava yolu ilə gedə bilərik


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ