Koronavirusun ''Delta'' ştammının qorxunc əlaməti - İnfeksionist AÇIQLADI

Tarix: 30 Iyun 2021 14:20

"Hazırda "Delta" ştammı üzərində müəyyən müşahidələr aparıldığına görə hələ tam nədir, necədir demək düzgün deyil".

Bunu Sonxeber.net-a açıqlamasında infeksionist İlahə Vəliyeva deyib.

İnfeksionist bildirib ki, "Delta" yaşlılar üçün daha çox təhlükəli olacaq:

"Delta" koronavirusun mutasiya formasıdır. Yeni əlamətlərlə özünü büruzə verir. Hansı ki, burada dada çox resperatur halla yanaşı, beyin qandövranı pozğunluğu özünü göstərdiyinə görə, bunun yaşlı insanlarda yaranması təhlükəsi daha yüksəkdir. 

"Delta"nın uşaqlarda təhlükəsinin nə dərəcədə böyük olduğunu indi dəqiq deyə bilmərəm. Bu mutasiyanın təhlükəsinin yaşlılar üçün daha çox olacağı gözlənilir. Uşaqlarda təhlükəsinin nə dərəcədə olacağını zaman göstərəcək. Amma əlbəttə ki, yenə də gigiyenik qaydalara, maskadan istifadəyə, məsafəyə davamlı şəkildə əməl olunmalıdır. Mövcud təhlükədən xilas üçün bu qaydalar çox önəmlidir".

Təhməz Əsədov