Aktual mövzular: Dollar alış-satışı, Məzənnə, Neftin qiyməti

Kürdəxanı və Nardaran sakinlərinə ŞAD XƏBƏR

Tarix: 10 Iyul 2021 12:20

Dövlət başçısının Bakıətrafı kənd və qəsəbələr üzrə sərnişindaşımaların yaxşılaşdırılmasına dair tapşırığının icrası olaraq 177 nömrə adı altında yeni qəsəbələrarası müntəzəm marşrut xətti təşkil edilib.

Bakı Nəqliyyat Agentliyindən Milli.Az-a verilən məlumata görə, yeni marşrut xətti "Pirşağı" dəmiryol satnsiyasını, Kürdəxanı qəsəbəsi, "Ləhic bağları" və Nardaran qəsəbəsindən keçməklə Maştağa qəsəbəsini əlaqələndirəcək.

Yeni xəttinin təşkili sayəsində Nardaran qəsəbəsi, "Ləhic bağları" adlanan ərazidə məskunlaşan əhali müntəzəm marşrutla təmin ediləcək. Bununla da sakinlərin marşrut xətti boyunca yerləşən təhsil müəsisələrinə, iaşə obyektlərinə, habelə yay mövsümü ərzində bağlara, çimərliklərə, istirahət mərkəzlərinə rahat gediş-gəlişi mümkün olacaq.

Yeni xətt üzrə avtobuslar 12.07.2021-ci il tarixindən fəaliyyət göstərəcək.

Milli.Az

Whatsapp ilə göndər