Goranboyda su qıtlığı yaşanır, sakinlər çətinlik çəkir - VİDEO

Tarix: 14 Avqust 2021 13:04

Yayın istisi bu kənddə elə mənzərə yaradıb ki, sanki bura payız daha tez gəlib. Torpaq bozarıb, yaşıl bitkilərin yarpaqları saralaraq tökülüb...

Sonxeber.net xezerxeber.az-a istinadən bildirir ki, söhbət Goranboyun Xoylu kəndindən gedir.

Yaşayış məntəqəsinin sakinləri deyir ki, 20-25 gündür həyətyanı sahələrini, pay torpaqlarını suvara bilmirlər. Onlar iddia edir ki, Kürəkçaydan ayrılan qol Xoylu kəndindən qonşu Nizami kəndə ötürülür. Bu səbəbdən onların torpaq sahələri, hətta ev heyvanları da susuz qalıb.

Kənd sakinləri deyir ki, su üstündə tez-tez mübahisələr, davalar da düşür.

Xoylu kəndinin sakinlərinin narazılıqları ilə "Cavad Xan sudan istifadə edənlər birliyinin" icraçı direktoru Cabir Xəlilov da  razılaşır. O, istilər səbəbindən çaylarda suyun azaldığını və xidmət etdikləri əraziyə verilən normanın aşağı olduğunu deyir. Amma direktor suyun başqa kəndlərə verilməsi iddiası ilə razılaşmır.

Kənd  sakinləri problemlərinin tezliklə həll ediləcəyi günü  gözləyirlər.

Mövzu ilə bağlı daha ətraflı videomaterialı təqdim edirik: 

​