Aktual mövzular: Dollar alış-satışı, Neftin qiyməti, COP29, Hava proqnozu

''Taliban'' şura yaratmaq istəyir - Ölkəni idarə etmək üçün

Tarix: 24 Avqust 2021 12:14

Radikal "Taliban" hərəkatının rəhbərliyi Əfqanıstanı idarə etmək üçün şura qurmaq niyyətindədir. Onlar buraya 12 nəfəri daxil etmək istəyirlər. Bu siyahıda ölkənin əvvəlki hökumət üzvlərindən bəzilərinin də adı olacaq.

Sonxeber.net APA-ya istinadən xəbər verir ki, bu barədə "Foreign Policy" jurnalı hərəkatın liderlərinə yaxın mənbələrə istinadən məlumat yayıb.

Məlumata görə, şuradakı ən nüfuzlu üç şəxs "Taliban"ın siyasi qanadının lideri Əbdül Qani Baradar, hərəkatın qurucusu Molla Ömərin oğlu və "Taliban"ın hərbi komissiyasının rəhbəri Mouləvi Yaqub, həmçinin "Haqqani şəbəkəsi" təxribatçı qrupunun lideri və sahə komandiri Siracuddin Haqqani olmalıdır.

Qəzet qeyd edir ki, "Taliban" Əfqanıstanda prezident və ya hər hansı digər vahid lider postunu bərpa etməyi düşünmür. Bununla belə, onlar ABŞ-nin dəstəklədiyi əvvəlki hökumət üzvlərindən bəzilərinə yeni kabinetdə öz seçimləri üzrə nazir vəzifələrini təklif etmək niyyətindədirlər. "Taliban" bununla da beynəlxalq ictimaiyyət tərəfindən tanınma şansını artırmaq üçün mümkün qədər əhatəli görünən bir hökumət yaratmaq istəyir.

Whatsapp ilə göndər