Xaricdə mənzil sahibi olmaq dəbə düşüb - VİDEO

Tarix: 9 Sentyabr 2021 13:26

Xaricdə mənzil sahibi olmaq azərbaycanlılar üçün son illərin ən dəbli investisiyasıdır. Mütəxəssis rəyinə görə, azərbaycanlı investorlar əsasən Almaniya, Çexiya, Bolqarıstan kimi avropa ölkələrində, Türkiyədə, eləcə də Birləşmiş Ərəb Əmirliklərinin Dubay şəhərində əmlak almağa maraq göstərirlər. Bəs buna səbəb nədir? Burdan ev almağın riskləri varmı?

Sonxeber.net Xəzər TV-yə istinadən bildirir ki, son illər vətəndaşlarımızın xarici ölkələrin daşınmaz əmlak bazarında fəallığı hiss olunur.  Araşdırma nəticəsində məlum olub ki, həmvətənlərimiz kütləvi şəkildə xarici ölkələrdə mənzillər, fərdi evlər, torpaq sahələri və kommersiya obyektləri alır. 

Ekspertlərin sözlərinə görə əvvəllər daha çox evlər Türkiyədən alınırdısa artıq bu tendensiya dəyişib. İndi insanlar Almaniya, Holandiya, İngiltərə, Dubay, Çexiya, Bolqarıstan və bir sıra başqa avropa ölkələrinə meyl edir.

Əvvəllər ön sıralarda olan Rusiyanın əmlak bazarına isə artıq demək olarki meyillilik yoxdur. Çünki rublun məzənnəsinin aşağı enməsi insanların burdan mənzil almamalarına səbəb olub.Rusiyadan fərqli olaraq isə Ukrayna və Moldovada ev alanların sayı kifayət qədərdir. Əmlak alanların avropaya üstünlük vermələrinin ən başlıca səbəbi maliyyə böhranı nəticəsində Almaniya, Böyük Britaniya, Avstriya və Yunanssıtanda evlərin qiyməti kəskin enməsidir. 

Reiltorlar isə bildirilər ki, insanlar xariciə üz tutsalarda amma burda bəzi nüansları gözdən qaçırırlar.

Qeyd edək ki, xaricdə daşınmaz əmlak almaq perspektivdə nə qədər yüksək gəlir vəd edirsə, bir o qədər də risk ehtimalını artırır. Ekspertlər də xaricdə daşınmaz əmlak risklərinin mövcudluğunu istisna etmir. Xarici ölkələr arasında əmlak riskləri əsasən Dubayda yaşanır. Xüsusilə tikilməkdə olan yaşayış binaları ilə bağlı risklər var. Belə ki, bəzən tikinti şirkətləri mənzilin dəyərinin bir hissəsini əvvəlcədən alsalar da, tikintini vaxtında başa çatdıra bilmirlər. Ya da ümumiyyətlə yarımçıq saxlayırlar. Ev alqı-satqısı üzrə ixtisaslaşmız hüquqşünaslar xoşagəlməz hallarla qarşılaşmamaq üçün Dubayda əmlakın dəyərinin 1%-i qədər vəkilə pul verməklə risklərdən qaçmağı təklif edirlər.