Zamiqdən ''Havayı pullardı qazanır'' şərhinə sərt reaksiya

Tarix: 29 Oktyabr 2021 20:40

"Balaca olanda məndən qorxurdu, indi yox. Hər cür zarafat edir mənlə. "Mən səni sevirəm" ifamla yemək yeyir. Deyir ki, mən nə edirəm, sən də onu təkrarla. Hərdən haradasa oturanda, tez dururam ki, yatmamış onu görüm. Dostlarım deyir ki, evdən qorxursan, nə olub? Deyə bilmirəm ki, uşaq üçün darıxıram".

Sonxeber.net axşam.az-a istinadən xəbər verir ki, bu sözləri müğənni Zamiq Hüseynov "Səhər mərkəzi" verilişində deyib. Oğlu Zeyndən danışan sənətçi onunla bağlı sualları cavablandırıb.

Sosial şəbəkədə yazılan mənfi rəylərdən danışan sənətçi "Heç vaxt kefimi pozmur. Yazırlar boyunu şəkillərdə uzadır. Elə deyil, fotonu düzgün formada çəkirəm" sözlərini söyləyib.

Zamiq "Havayı pullardı qazanır" şərhinə əsəbiləşərək "Bu söz məni yandırır. Belə sözləri uşaq yazır bir yana, böyüklər necə deyə bilər? Hamı çətinlik çəkib. Amma məndə ən pisi olub. Oradan gəlib bu zirvəyə çıxmaq böyük xoşbəxtlik və əziyyətdir. İllərlə, günlərlə nələrsə öyrən, başını daşa vur, bu zirvəyə gəl. Sənə belə yazsınlar" reaksiyasını verib.