Yoxsulluqdan nicat yolu

Tarix: 2 Noyabr 2021 23:40

Hədislərə nəzər salan zaman görmək olur ki, əksər hallarda yoxsulluğa səbəb olan amil - günahdır. Bəzi rəftarlar vardır ki, əslində günah sayılmır, ancaq hədisərə görə onlar insanın yoxsul olmasına birbaşa təsir qoyur. Onların bir neçəsinə işarə edək:

1. Həyatında iqtisadi rəhbərliyin olmaması.

İmam Əli (ə) buyurur: "İnsanın əgər həyatında iqtisadi rəhbərliyi olmazsa, o, yoxsulluq tələsinə düşər".

2. Hərislik göstərmək.

İmam Əli (ə) buyurur: "Mal və dünya sərvətinə hərislik etmək - hərisin həyatına yoxsulluq kölgəsi salar".

3. Ayaqyolunda yemək yemək.

Əziz Peyğəmbərimiz (s) buyurur ki, ayaqyolunda yemək yoxsulluğa səbəb olar.

Bəs ruzini necə artıra bilərik?

İmam Sadiq (ə) buyurur: "Hər kim gün ərzində 30 dəfə "Sübhənallah" deyərsə, Allah onu 70 bəladan qoruyar. Ən azı yoxsulluqdur".

İmam Baqir (ə) buyurur: "Ayətul-kürsünü" oxumaq bu təsirə malikdir ki, Allah onu oxuyan üçün min dünya və min axirət çətinliyini aradan qaldırar. Onun dünyada ən az təsiri yoxsulluqdur. Dünyadan sonra qəbir əzabını dəf edər".

İmam Sadiq (ə) buyurur: "Hər kim gündə 30 dəfə "Sübhənallah və bihəmdihi Sübhənallahi əzim" zikrini deyərsə, yoxsulluq ona üz verməz. Yoxsulluq ondan üz döndərər".

Həzrət Peyğəmbər (s) buyurur: "Əgər yoxsulluq kiminsə həyatını daraldıbsa, bu zikri çox desin: "Lə  hövlə və la qüvvətə illə Billəhil-aliyyil-azim".

Bunu qeyd etmək lazımdır ki, bu zikrlər o zaman insana təsir qoyar ki, insan günahı tərk edər. Bir nəfər Ayətullah Məzahiridən soruşur: "Bir müddətdir ki, nə edirəmsə borcun əlindən rahat ola bilmirəm. Birini verməmiş o biri borcun tələsinə düşürəm. Borc alan zaman çox əziyyət çəkirəm. Ruzi baxımından çətinliyə düşmüşəm. Zikləri edirəm, ancaq bir təsir qoymur. Mənə bir yol göstərin? Alim cavab verir: Əgər həyatınızda günah olmasa və bu zikri çox desəniz nicat taparsınız : "اَللّهُمَّ اَغنِنِی بِحَلالِکَ عَن حَرَامِکَ وَ بِفَضلِکَ عَمَّن سِواکَ"