Daha iki komanda 1/8 finalda, "Beşiktaş" qrupda qaldı

Tarix: 4 Noyabr 2021 07:18

Çempionlar Liqasının qrup mərhələsində 4-cü tura yekun vurulub.

2-ci oyun günündə daha 8 matç keçirilib.

A qrupunda "Mançester Siti" "Brügge", "Leyptsiq" isə PSJ ilə qarşılaşıb. "Şəhərlilər" 4:1 hesablı qələbə qazanıb. Digər görüşdə bətabərlik qeydə alınıb - 2:2. 

B qrupunda "Milan" "Portu" heç-heçə edərək (1:1) ilk xalını qazanıb.  Qrupun digər matçında "Liverpul" "Atletiko" ilə üz-üzə gəlib. Ev oyununda 2:0 hesablı qələbə qzanan Yurgen Kloppun komandası sona iki tur qalmış ple-offa vədiqə əldə edib. Mersisayd təmsilçisi qələbə qazanacağı təqdirdə, vaxtından əvvəl pley-offa vəsiqəni təmin edəcək.

C qrupunda Türkiyənin turnirdəki yeganə təmsilçisi "Beşiktaş" "Sportinq"in qonağı olub. Meydan sahibləri rəqibini 4 cavabsız qolla məğlub edib. Bununla da İstanbul klubunun qrupdan çıxmaq şansı qalmayıb. "Borussiya" (Dortmund) isə "Ayaks"ı qəbul edib. Niderland təmsilçisi səfərdə qələbə qazanmaqla (3:1), növbəti mərhələyə vəsiqəni təmin edib

D qrupunda "Real" Donetsk "Şaxtyor"una 2:1, "İnter" isə "Şerif"ə 3:1 hesabı ilə qalib gəlib.

Qeyd edək ki, dünən "Bavariya" və "Yuventus"  da 1/8 finala vəsiqəni təmin edib.

A qrupu

00:00. "Mançester Siti" (İngiltərə) - "Brügge" (Belçika) - 4:1

Qollar: Fil Foden, 15, Riyad Mahrez, 54, Rahim Sterlinq, 72, Qabriel Jezus, 90+2 - Con Stounz, 17-avtoqol

00:00. "Leyptsiq" (Almaniya) - PSJ (Fransa) - 2:2

Qollar: Kristofer Nkunku, 8, Dominik Soboslai, 90+2-pen. - Corcinyo Veynaldum, 21; 39

B qrupu

21:45. "Milan" (İtaliya) - "Portu" (Portuqaliya) - 1:1

Qollar: Şansel Mbemba, 61 - avtoqol - Luis Dias, 39

00:00. "Liverpul" (İngiltərə) - "Atletiko" (İspaniya) - 2:0

Qollar: Diequ Jota, 13, Sadio Mane, 21

C qrupu

00:00. "Sportinq" (Portuqaliya) - "Beşiktaş" (Türkiyə) - 4:0

Qollar: Pote, 31-pen.)38, Paulinyo, 41, Pablo Sarabiya, 56

00:00. "Borussiya" (Dortmund, Almaniya) - "Ayaks" (Niderland) - 1:3

Qollar: Marko Roys, 37-pen. - Duşan Tadiç, 72, Sebastyan Alle, 83, Davi Klassen, 90+3

D qrupu

21:45. "Real " (İspaniya) - "Şaxtyor" (Donetsk, Ukrayna) - 2:1

Qollar: Kərim Benzema, 14; 61 - Fernando, 39

00:00. "Şerif" (Moldova) - "İnter" (İtaliya) - 1:3

Qollar: Adama Traore, 90+2 - Martselo Brozoviç, 54, Milan Şkrinyar, 66

Milli.Az