Aktual mövzular: Dollar alış-satışı, Neftin qiyməti, COP29, Hava proqnozu

Yaponiyada koronavirusun delta ştamı özü-özünü ləğv edib

Yaponiyada koronavirusun delta ştamı özü-özünü ləğv edib

Tarix: 22 Noyabr 2021 22:06

Yaponiyanın mərkəzi hissəsində yerləşən Niiqata Universitetinin tədqiqatçıları koronavirusun delta ştamının özü-özünü ləğvetmə nəticəsində ölkədə aradan qalxması barədə fərziyyə irəli sürüblər.

Sonxeber.net AZƏRTAC-a istinadən bildirir ki, bu barədə noyabrın 22-də "Sankei Shimbun" qəzeti məlumat yayıb. Yapon alimlərin irəli sürdüyü nəzəriyyəyə görə, ştamın genlərində həddindən artıq mutasiya toplanması aparıcı nsp14 hüceyrəsinin işində dəyişiklikliyə səbəb olub. Hüceyrənin funksiyalarının pozulması ştamın çoxalma prosesini sıradan çıxarıb və onun özünün ləğvinə səbəb olub.

Xatırladaq ki, cari il iyulun sonu avqustun əvvəllərində Tokioda Olimpiya Oyunları keçirilərkən Yaponiyada virusun geniş yayılması qeydə alınıb. Ölkədə gündəlik yoluxma sayında ardıcıl şəkildə antirekordlar qeydə alınıb. Lakin sentyabrdan başlayaraq Yaponiyada vəziyyət sabitləşib. Hazırda ölkədə infeksiyanın yayılmasında ciddi azalma müşahidə edilir. Noyabrın 21-də ölkə üzrə cəmi 143 yeni yoluxma halı qeydə alınıb. Bu, avqustun sonunda virusun yayılmasının pik həddi ilə müqayisədə cəmi 1 faiz təşkil edir.


Etiketlər:  Yaponiyada koronavirusun delta ştamı özü özünü ləğv edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ