Aktual mövzular: Dollar alış-satışı, Neftin qiyməti, COP29, Hava proqnozu

TƏHLÜKƏ: Qarabağ kanalının üzərində yerləşən körpü qəzalı vəziyyətdədir - VİDEO

TƏHLÜKƏ: Qarabağ kanalının üzərində yerləşən körpü qəzalı vəziyyətdədir - VİDEO

Tarix: 29 Noyabr 2021 13:44

Bərdədə dəmir konstruksiya ilə qurulan körpü qəzalı vəziyyətə düşüb. Bu səbəbdən rayonun Qarayusifli kəndinin sakinləri hər gün təhlükə ilə üz-üzədirlər.

Sonxeber.net Xəzər TV-yə istinadən xəbər verir ki, kəndi iki hissəyə bölən Qarabağ kanalının üzərində yerləşən körpünün hər an uçmaq təhlükəsi var.

Xüsusilə qış aylarında vəziyət daha da təhlükəli olur.

Körpü Qarayusifli kəndini magistral avtomobil yoluna və digər yaşayış məntəqələrinə  birləşdirir. Təxminən  40 il əvvəl kənd sakinlərinin şəxsi təşəbbüsü və imkanları hesabına inşa edilmiş, hazırda isə standartlara cavab verməyən körpü ciddi təhlükə mənbəyinə çevrilib. Ensiz körpüdə avtomobillər çətinliklə hərəkət edir.

Məsələ ilə bağlı Azərbaycan Avtomobil Yolları Dövlət Agentliyinin mətbuat xidmətindən verilən məlumata görə, sözügedən körpü qurumun balansında deyil.

Bərdə Rayon İcra Hakimiyətindən isə bildirilib ki, körpü sovetlər dönəmində kolxozun balansında olub. Hazırda isə onların tabeliyində deyil. Bir sözlə, körpüyə sahib çıxan tapılmır. Kəndə alternativ yol isə 6 km. aralıda olan körpüdən keçir.

Mövzu ilə bağlı daha ətraflı videomaterialı təqdim edirik:


Etiketlər:  TƏHLÜKƏ Qarabağ kanalının üzərində yerləşən körpü qəzalı vəziyyətdədir VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ