Aktual mövzular: Dollar alış-satışı, Neftin qiyməti, COP29, Hava proqnozu

Körfəzin ərəb ölkələri birgə müdafiə və təhlükəsizlik sistemi yaradırlar

Körfəzin ərəb ölkələri birgə müdafiə və təhlükəsizlik sistemi yaradırlar

Tarix: 15 Dekabr 2021 21:16

Ər-Riyadın Diriyəh sarayında Körfəzin ərəb ölkələri - Səudiyyə Ərəbistanı, Birləşmiş Ərəb Əmirlikləri, Qətər, Oman, Küveyt və Bəhreyn liderlərinin sammiti keçirilib.

Sonxeber.net AZƏRTAC-a istinadən bildirir ki, sammitdə Səudiyyə Ərəbistanının Kralı Salman bin Əbdüləzizin təklifi əsasında yekun sənəd qəbul edilib. Birgə Bəyannamədə Körfəzin ərəb ölkələrinin vahid müdafiə və təhlükəsizlik sistemi yaratması da öz əksini tapıb. Sənəddə qeyd olunub ki, Yaxın Şərqdə silahlı münaqişələrin qarşısının alınması, problemlərin həlli istiqamətində əməkdaşlıq da möhkəmlənəcək. Bəyannamədə deyilir ki, Körfəzin ərəb ölkələrinin hər hansı birinə qarşı hərbi təcavüz bütün digər üzv ölkələrə olan hücum kimi qiymətləndiriləcək.

Ər-Riyad Bəyannaməsində, həmçinin Körfəzin ərəb ölkələri arasında iqtisadi əlaqələrin daha da möhkəmlənməsi, Körfəz Əməkdaşlıq Şurası çərçivəsində yeni layihələrin həyata keçirilməsi, COVID-19 pandemiyası ilə mübarizədə birgə fəaliyyət və iqlim dəyişikliyi ilə bağlı karbon qazı emissiyasının azaldılması məsələləri əksini tapıb.


Etiketlər:  Körfəzin ərəb ölkələri birgə müdafiə təhlükəsizlik sistemi yaradırlar


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ