Aktual mövzular: Dollar alış-satışı, Neftin qiyməti, COP29, Hava proqnozu

Futbol azarkeşləri arasında qanlı dava

Tarix: 23 Dekabr 2021 18:06

Londonda "Tottenhem Hotspur" stadionunun yaxınlığında "Tottenhem" və "Vest Hem"in azarkeşləri arasında kütləvi dava olub.

Sonxeber.net lent.az-a istinadən xəbər verir ki, futbol üzrə İngiltərə Liqa Kubokunun 1/4 final oyunu başlamazdan əvvəl stadionun əsas tribunasında dava düşüb.

Azarkeşləri dəyənəklərlə silahlanmış polis ayırıb. Meydan sahiblərinin azarkeşlərinin bir daha onlara hücum etməməsi üçün hüquq-mühafizə orqanlarının əməkdaşları "Vest Hem" azarkeşlərini tribunalara qədər müşayiət etməli olublar.

Azarkeşlərdən biri üzü qanlı dava yerini tərk edib. Dava zamanı bir nəfərin huşunu itirdiyi də bildirilir. Zərərçəkənlərə həkimlər yerindəcə köməklik göstəriblər.

Liqa rəsmiləri hadisə ilə bağlı araşdırmalara başlayıb. Polis kimin məsuliyyət daşıdığını müəyyən etmək üçün görüntüləri araşdırır.

"Tottenhem" "Vest Hem"i 2:1 hesabı ilə məğlub edərək kubokun yarımfinalına yüksəlib. Növbəti oyunda komanda "Çelsi" ilə qarşılaşacaq.

Whatsapp ilə göndər