KXDR hökumətindən açıqlama: Liderimiz at belindədir - VİDEO

Tarix: 3 Fevral 2022 17:42

Şimali Koreyada ölkə rəhbəri Kim Çen Inın fəaliyyəti ilə bağlı sənədli film təqdim edilib. Kadrlarda siyasətçinin kəskin arıqlamasından sonra onun səhhətində yaranan problemlər barədə yayılmağa başlayan şayiələrə xüsusi diqqət yetirilib.

Sonxeber.net oxu.az-a istinadən xəbər verir ki, filmin müəllifləri Şimali Koreya liderinin xarici görünüşündəki dəyişiklikləri onun koronavirus pandemiyası və ərzaq böhranı səbəbindən KXDR üçün xüsusilə çətinləşən bir ildə zəhməti ilə əlaqələndiriblər.

Qeyd edək ki, kadrda KXDR liderinin at çapması daha böyük maraq yaradıb. Ekspertlərin fikrincə, həvəskar üçün Kim Çen In yaxşı çapardır; o, yəhərdə möhkəm oturub, eyni zamanda, əlləri sakitdir və ani hərəkətlər etmir, ayaqları yaxşı işləyir.