''250 qonaq dəvət olunub, seçmələr hazırlamışıq'' - VİDEO

Tarix: 5 Mart 2022 13:42

İsveçrədə Beynəlxalq Film Festivalı və İnsan Hüquqları Forumu işə başlayıb.

Milli.Az Euronews-a istinadən xəbər verir ki, son 20 ildə insan hüquqlarının beynəlxalq paytaxtı Cenevrə ev sahibliyi edir. Film festivalı ilə paralel olaraq Cenevrə gölünün sahilində BMT İnsan Hüquqları Şurasının illik sessiyası keçirilir.

İki illik pandemiyadan sonra tədbir öz adi formatına - dəvət olunmuş qonaqlar və tamaşaçılarla qayıdır.

İzabelle Qattiker festivalın bədii rəhbəri:

- Bu il 250 qonaq dəvət olunub, bədii və sənədli filmlərdən seçmələr hazırlamışıq, yüksək səviyyəli debatlar və Chelsea Manning və ya Ngozi Okonyo-Iwewala kimi şəxsiyyətlərlə mühüm görüşlər gözlənilir.

Hər il çətin seçim qarşısında qalırıq, festivalda bəzi mövzular təqdim olunan gözəl filmlər sayəsində ortaya çıxır və bəzən bizi əhəmiyyətli filmlər axtarmağa sövq edən cari hadisələrdir. Builki festivalda Reethi Panh və Nabil Ayushun, eləcə də əfqan rejissoru Sharbanu Sadatın iştirakı gözlənilir.

Beynəlxalq Film Festivalı və İnsan Hüquqları Forumunu onun himayədarı amerikalı müğənni Barbara Hendrix açacaq.

Tədbir çərçivəsində martın 10-da onun konserti keçiriləcək.

Ukrayna hadisələri ilə əlaqədar festivalın proqramına bir qədər düzəliş edilib. Müzakirələrdən biri bu mövzuya həsr olunacaq.

İzabelle Qattiker festivalın bədii rəhbəri:

- Bu il festivalın 20-ci ildönümü olacaq, yubiley ili çox önəmlidir və eyni zamanda son xəbərlərlə son dərəcə çətin şəraitdə keçir... amma əksinə, bizim inanclarımızı gücləndirir.

Martın 4-dən 13-dək keçiriləcək Beynəlxalq Film Festivalı və İnsan Haqları Forumu İranın naməlum yolları ilə "Yolda" filmi ilə açılır.

Aslan Məmmədov
Milli.Az