Aktual mövzular: Dollar alış-satışı, Neftin qiyməti, COP29, Hava proqnozu

Roma butikləri mallarının rusiyalılara satılma şərtlərini açıqladılar

Tarix: 16 Aprel 2022 14:46

Məşhur moda evlərinin Romadakı butikləri mallarının ruslara satılmasının şərtlərini açıqlayıb.

Qeyd olunur ki, LVMH (Moët Hennessy - Louis Vuitton) beynəlxalq holdinqinə daxil olan dəbdəbəli brendlərin mağazalarında ruslara nağd olaraq və ya Rusiyada qeydiyyatdan keçməyən bank kartları ilə alış-veriş etmək təklif edilib. Bu butiklərdə satışla bağlı yaranan əsas problem isə rusiyalı turistlər üçün ödənişlərin "tax free" - vergisiz sistem (əlavə dəyər vergisi məbləğinin qaytarılması) vasitəsilə reallaşdırılmasının mümkünsüzlüyüdür.

Sonxeber.net oxu.az-a istinadən xəbər verir ki, eyni zamanda bu faktorun alış-verişi qadağan etmədiyi də qeyd edilir. Məsələn, "Dior" mağazasının işçiləri Rusiya pasportunu təqdim etmədən alış-veriş etməyi təklif ediblər.

"Əlbəttə, rusiyalı turistlər bizim mallarımızı ala bilərlər. Lakin onlar "tax free"yə iddia edə bilməzlər", - deyə butik nümayəndələri bildiriblər.

Eyni mövqe "Louis Vuitton" tərəfindən də ortaya qoyulub və rusiyalı müştərilərdən danışarkən onların gəlişinə çox məmnun olacaqları vurğulanıb.

Whatsapp ilə göndər