Aktual mövzular: Dollar alış-satışı, Neftin qiyməti, COP29, Hava proqnozu

Avropa İttifaqı rusiyalı biznesmenlərə məxsus 10 milyard avroluq aktivləri dondurub

Avropa İttifaqı rusiyalı biznesmenlərə məxsus 10 milyard avroluq aktivləri dondurub

Tarix: 25 May 2022 21:12

Avropa İttifaqı Ukrayna ətrafında yaranan vəziyyətlə bağlı Moskvaya tətbiq etdiyi sanksiyalar çərçivəsində rusiyalı biznesmenlərə məxsus 10 milyard avroluq aktivləri dondurub.

Sonxeber.net AZƏRTAC-a istinadən bildirir ki, DPA agentliyi bu barədə Avropa Komissiyasının sənədlərinə istinadla məlumat yayıb. Məlumata görə, Rusiyanın Ukraynaya hərbi təcavüzü fonunda rusiyalı sahibkarlar ümumi dəyəri 10 milyard avroya çatan dəbdəbəli yaxtalardan, daşınmaz əmlakdan və digər aktivlərdən məhrum olub.

Həmçinin Avropa Komissiyası mayın 25-də Rusiyanın dondurulmuş aktivlərinin müsadirəsinə icazə verən qanun layihəsini təqdim etməlidir. Bu vəsait Ukraynada infrastrukturun bərpası üçün istifadə oluna bilər.

Bir müddət öncə Avropa Komissiyasının sədri Ursula von der Lyayen Ukraynanın bərpası üçün hətta dondurulmuş aktivlərindən istifadə edilə biləcəyini vurğulamışdı.

Xatırladaq ki, fevralın 24-də Rusiya Ukraynada genişmiqyaslı müharibəyə başlayıb. Avropa İttifaqı, Kanada, ABŞ, Böyük Britaniya və dünyanın bir çox digər ölkələri buna cavab olaraq Rusiyaya qarşı görünməmiş sanksiyalar tətbiq edib.


Etiketlər:  Avropa İttifaqı rusiyalı biznesmenlərə məxsus milyard avroluq aktivləri dondurub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ