Əfv sərəncamı ilə azadlığına qovuşan qadınlar - FOTOREPORTAJ

Tarix: 28 May 2022 16:16

Prezident İlham Əliyevin imzaladığı "Məhkum edilmiş bir sıra şəxslərin əfv olunması haqqında" sərəncamı Ədliyyə Nazirliyi Penitensiar xidmətin 4 saylı Cəzaçəkmə Müəssisəsində icra olunub.

Sonxeber.net oxu.az-a istinadən xəbər verir ki, bu Cəzaçəkmə Müəssisəsində sərəncam ümumilikdə iki qadına şamil olunub.

Məhkumlar müvafiq arayışlar təqdim edilməklə azadlığa buraxılıblar.

Xatırladaq ki, Prezident İlham Əliyevin mayın 27-də imzaladığı "Məhkum edilmiş bir sıra şəxslərin əfv olunması haqqında" sərəncam ümumilikdə 213 nəfər əfv edilib.

Qeyd edək ki, 1995-ci ildən bu günə kimi əfvetmə ilə bağlı 68 fərman və sərəncam imzalanıb, 8 987 məhkum əfv olunub. Bu sərəncamlardan 36-sı Azərbaycan Prezidenti İlham Əliyev tərəfindən imzalanıb və həmin aktlar 5 885 nəfərə şamil olunub.