Aktual mövzular: Dollar alış-satışı, Məzənnə, Neftin qiyməti

Yaxın vaxtlarda intensiv əks-hücum başlayacaq - Ukrayna Prezident Ofisi

Yaxın vaxtlarda intensiv əks-hücum başlayacaq - Ukrayna Prezident Ofisi

Tarix: 4 Iyun 2022 08:30

Ukrayna ordusu yaxın vaxtlarda silahlar alacaq və intensiv əks-hücuma başlayacaq.

Bu barədə Ukrayna Prezidenti Ofisi rəhbərinin müşaviri Mixaylo Podolyak bildirib.

"Nə vaxt kifayət qədər silah alacağıq? Yaxın vaxtlarda. Bizim tərəfdən daha intensiv əks-hücum başlayan kimi bunu görəcəksiniz. Bu gün bizim də ayrıca əks-hücumlarımız var. Amma ehtiyacımız olan hər şeyi əldə edən kimi gücləndiriləcək. Və silahlı qüvvələr nəhayət Rusiya Federasiyasına "ikinci ordunun" planetin başqa coğrafi nöqtəsində yerləşdiyini sübut edə biləcək", - o deyib.

Podolyak vurğulayıb ki, Ukrayna artıq tərəfdaşlarından silah almağa başlayıb.

"Ancaq bu zaman məsələsidir. İnsan ölümlərinin sayını azaltmaq üçün hər şeyi bir ay əvvəl əldə etmək istərdik. Avropa qərarları istədiyimizdən daha gec qəbul edir", - o deyib.

Qeyd edək ki, Ukrayna Prezidenti Volodimir Zelenski Rusiya qoşunlarının ölkə ərazisinin təxminən 20%-ni işğal etdiyini deyib. O bildirib ki, 2 603 yaşayış məntəqəsi azad olunmalıdır.

Milli.Az


Etiketlər:  Yaxın vaxtlarda intensiv əks hücum başlayacaq Ukrayna Prezident Ofisi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ