Aktual mövzular: Dollar alış-satışı, Məzənnə, Neftin qiyməti

Facebook məhkəməyə verildi

Facebook məhkəməyə verildi

Tarix: 12 Iyun 2022 18:28

12 iyun 2022 17:43 (UTC +04:00)Facebook və Instagram uşaqlara zərər vurduğu üçün Meta Korporasiyası ABŞ-da səkkiz iddia ilə məhkəməyə verilib.

Milli.Az APA-ya istinadən bildirir ki, bu barədə "The Register" saytında məlumat verilib.

Zərərçəkmişlər iddia ərizələrində qeyd olunan sosial şəbəkələrin alqoritmlərinin uşaq və yeniyetmələrdə təhlükəli aludəçilik yaradacaq şəkildə qurulduğunu iddia edirlər.

Bundan əlavə, iddiaçıların fikrincə, Facebook və Instagram təşviq edir ki, azyaşlılar yemək pozğunluğu, intihar, depressiya və yuxu pozğunluğu riskini artıran məzmuna baxsınlar.

Bütün bu səkkiz işə Beasley Allen hüquq firmasını təmsil edən vəkil Endi Burçfild baxır. O, sayta müsahibəsində deyib ki, gənclər arasında sosial mediadan istifadə ABŞ-da üzləşdiyimiz psixi sağlamlıq böhranında əsas amil kimi qəbul edilməlidir.

Qeyd olunur ki, iddialar Texas, Tennessi, Kolorado, Delaver, Florida, Corciya, İllinoys və Missuri ştatlarının federal məhkəmələrinə verilib.

Milli.Az


Etiketlər:  Facebook məhkəməyə verildi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ