Azərbaycan gimnastlarına azarkeşlik edirəm - Tamaşaçı

Tarix: 21 Sentyabr 2019 16:28

Bakı. Cani Babayeva - Trend:

Bədii gimnastika üzrə 37-ci dünya çempionatı yüksək səviyyədə təşkil edilib.

Bunu Trend-ə yarışlara azarkeşlik edən Rövşən Əzizov deyib.

O bildirib: "Milli Gimnastika Arenasını ikinci dəfə ziyarət edirəm, zal çox gözəldir. Təşkilatçılar hər bir şeyi yüksək səviyyədə hazırlayıblar".

Azarkeş qeyd edib ki, Azərbaycan gimnastlarına böyük ümidlər bəsləyir: "Qızım Masallı rayonunda gimnastika ilə məşğul olur, bu gün burada gimnastlarımıza azarkeşlik etməyə gəlib".

Qeyd edək ki, Milli Gimnastika Arenasında keçirilən dünya çempionatı sentyabrın 16-da başlayıb və sentyabrın 22-dək davam edəcək. 61 ölkədən 300-dən artıq gimnast çempionatda 9 dəst medal uğrunda mübarizə aparacaq.

Bakıda keçirilən möhtəşəm dünya çempionatının şüarı "Nağıllar həyatda gerçəkləşəcək"dir ("Fairy Tales will come to life").

Trend-in ən mühüm və maraqlı xəbərlərini "Telegram"da izləyin