Aktual mövzular: Dollar alış-satışı, Neftin qiyməti, COP29, Hava proqnozu

Alman gimnast: Milli Gimnastika Arenası xoş təsir bağışlayır

Alman gimnast: Milli Gimnastika Arenası xoş təsir bağışlayır

Tarix: 21 Sentyabr 2019 17:28

Bakı. Cani Babayeva - Trend:

Biz Bakıya xoş əhval-ruhiyyədə və pozutiv fikirlərlə gəlmişik.

Bunu Trend-ə bədii gimnastika üzrə 37-ci dünya çempionatında iştirak etmək üçün Azərbaycana gələn Almaniya gimnastika yığmasının kapitanı Daniela Xuber qrup hərəkətləri üzrə yarışlardan sonra deyib.

Alman gimnast bildirib: "Bakıda yarışların təşkili yüksək səviyyədədir, çox xoşuma gəldi. Milli Gimnastika Arenasının zalı isə həm geniş, həm də çox gözəl görünür. Arena xoş təsir bağışlayır".

Komandasının çıxışından danışan gimnast vurğulayıb ki, bütün idmançılar öz çıxışlarından məmnun qalıblar:

"Əlbəttə ki, güclü komandalar da var. Lakin biz daha güclü olmağa çalışırıq. Mübarizəni davam etdirəcəyik".

Qeyd edək ki, Milli Gimnastika Arenasında keçirilən dünya çempionatı sentyabrın 16-da başlayıb və sentyabrın 22-dək davam edəcək. 61 ölkədən 300-dən artıq gimnast çempionatda 9 dəst medal uğrunda mübarizə aparacaq.

Bakıda keçirilən möhtəşəm dünya çempionatının şüarı "Nağıllar həyatda gerçəkləşəcək"dir ("Fairy Tales will come to life").

Trend-in ən mühüm və maraqlı xəbərlərini "Telegram"da izləyin


Etiketlər:  Alman gimnast Milli Gimnastika Arenası xoş təsir bağışlayır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ