Mobil operatorlara ukraynalılarla bağlı çağırış

Tarix: 8 Iyul 2022 07:32

Avropa Komissiyası mobil operatorlara ukraynalı qaçqınlar üçün rominq xidmətini pulsuz və ya aşağı tariflə həyata keçirməyi tövsiyə edib.

Sonxeber.net APA-ya istinadən bildirir ki, komissiya üç aylıq sazişi uzatmağı tövsiyə edib.

Komissiya bildirir ki, Avropa İttifaqı ərazisinə gəlmiş milyonlarla ukraynalının münasib qiymətlə rabitəyə çıxış imkanının olması zəruridir.

Qeyd edək ki, aprelin 8-də Brüsseldə Avropa və Ukrayna mobil operatorlarının iştirakı ilə müqavilə imzalanıb. Müqavilədə Avropa Komissiyası mobil operatorlara ukraynalı qaçqınları pulsuz sim kart və ya ucuz rominqlə təmin etməyi tövsiyə edirdi. Razılaşmanın müddəti bu gün başa çatır.

Münaqişə başlayandan ukraynalılar Avropa mobil operatorlardan 2,5 milyon sim kart əldə ediblər.