Aktual mövzular: Dollar alış-satışı, Neftin qiyməti, COP29, Hava proqnozu

Səfir: Çinlə Azərbaycan arasında ticarət dövriyyəsi iki dəfədən çox artıb

Səfir: Çinlə Azərbaycan arasında ticarət dövriyyəsi iki dəfədən çox artıb

Tarix: 23 Sentyabr 2019 19:27

Bakı. Mirsəid İbrahimzadə - Trend:

2019-cu ilin yanvar-avqust aylarında Çinlə Azərbaycan arasında ticarət dövriyyəsinin həcmi 1,5 milyard dollara çatıb ki, bu da ötən ilin eyni dövrü ilə müqayisədə 104% çoxdur.

Trend-in məlumatına görə, bunu Çinin Azərbaycandakı səfiri Qo Min deyib.

İkitərəfli əməkdaşlıq barədə danışan səfir bildirib ki, ölkələr “Bir kəmər, bir yol” təşəbbüsünün birgə reallaşdırılmasımda böyük perspektivlərə malikdir.

Q.Min xatırladıb ki, bu ilin aprel ayında Azərbaycan Prezidenti İlham Əliyev "Bir kəmər, bir yol" təşəbbüsü çərçivəsində beynəlxalq əməkdaşlıq üzrə ikinci Yüksək Səviyyəli Forumda iştirak etmək üçün Çinə səfər edib və dövlət başçıları ikitərəfli münasibətlərin, müxtəlif sahələrdə işgüzar əməkdaşlığın daha da inkişafı ilə bağlı vacib razılıq əldə ediblər.

Səfir əlavə edib ki, Azərbaycan Çinlə münasibətləri diplomatik prioritet olaraq nəzərdən keçirir: “Bu ilin əvvəlindən iki ölkə arasında yüksək səviyyəli səfərlər baş tutub və qarşılıqlı siyasi etimad daha da yüksəlib”.

Trend-in ən mühüm və maraqlı xəbərlərini "Telegram"da izləyin


Etiketlər:  Səfir Çinlə Azərbaycan arasında ticarət dövriyyəsi dəfədən çox artıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ