Aktual mövzular: Dollar alış-satışı, Neftin qiyməti, COP29, Hava proqnozu

Gürcüstandan Rusiyaya gedən yol bağlandı

Gürcüstandan Rusiyaya gedən yol bağlandı

Tarix: 29 Iyul 2022 21:24

Qudauridə xilasedici helikopterin qəzaya uğraması ilə əlaqədar Gürcüstandan Rusiyaya və geriyə bütün növ nəqliyyat vasitələrinin hərəkəti müvəqqəti olaraq dayandırılıb.

Sonxeber.net "qafqazinfo"ya istinadən xəbər verir ki, bu barədə Gürcüstanın Avtomobil Yolları Departamenti məlumat yayıb:

"Daxili İşlər Nazirliyinin helikopterinin beynəlxalq əhəmiyyətli Mtsxeta-Stepantsminda-Lars avtomobil yolunda qəzaya uğraması ilə əlaqədar xilasetmə işləri başa çatana qədər yolun bu hissəsində bütün növ nəqliyyat vasitələrinin hərəkəti qadağan edilib".

Qeyd edək ki, Gürcüstanın Qudauri bölgəsində dərəyə düşən paraplançıların axtarışı üçün uçan Daxili İşlər Nazirliyinin sərhəd polisinin helikopteri qayaya çırpılaraq partlayıb. Helikopterin göyərtəsində ekipaj üzvlərindən başqa xilasedicilər və həkimlər də olub. Helikopterin qəzaya uğraması nəticəsində 8 nəfər həlak olub.


Etiketlər:  Gürcüstandan Rusiyaya gedən bağlandı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ