Aktual mövzular: Dollar alış-satışı, Məzənnə, Neftin qiyməti

İslamiada: Azərbaycan medal sıralamasında 4-cü pilləyə yüksəldi

İslamiada: Azərbaycan medal sıralamasında 4-cü pilləyə yüksəldi

Tarix: 12 Avqust 2022 10:00

Türkiyənin Konya şəhərində keçirilən V İslam Həmrəyliyi Oyunlarının 7-ci yarış günündən sonra Azərbaycanın aktivindəki medalların sayı 28-ə yüksəlib.

Milli.Az "Report"a istinadən xəbər verir ki, medallardan 7-si qızıl, 10-u gümüş, 11-i bürünc əyarlıdır.

Bu nəticə ilə Azərbaycan Qazaxıstanı da geridə qoyaraq, iştirakçı ölkələrin ümumi sıralamasında 4-cü pilləyə yüksəlib. İlk 3 pillədə medal əyarında müvafiq olaraq, Türkiyə 89 (34 qızıl, 30 gümüş, 25 bürünc), İran 39 (15 qızıl, 14 gümüş, 10 bürünc) və Özbəkistan 39 (11 qızıl, 10 gümüş, 18 bürünc) medalla qərarlaşıb.

İndiyədək ümumilikdə 56 ölkədən 35-i medal qazana bilib.

Qeyd edək ki, Azərbaycan yığması medallarını 6 növdə - güləş (4 qızıl, 4 gümüş, 5 bürünc), taekvondo (1 qızıl, 2 gümüş, 2 bürünc), idman gimnastikası (1 qızıl, 2 gümüş, 1 bürünc), atletika (1 qızıl, 2 gümüş), para-oxatma (2 bürünc) və ağırlıqqaldırmada (1 bürünc) əldə edib.

Milli.Az


Etiketlər:  İslamiada Azərbaycan medal sıralamasında 4 cü pilləyə yüksəldi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ