Azərbaycan Sloveniyaya uduzdu - YENİLƏNİB

Tarix: 3 Sentyabr 2022 19:48

AVRO-2023-ün təsnifat mərhələsi
D qrupu
3 sentyabr
18:00. Azərbaycan - Sloveniya - 1:3 (11:25, 25:19, 18:25, 21:25)
Bakı. Voleybol Mərkəzi

19:13

Qadın voleybolçulardan ibarət Azərbaycan millisi AVRO-2023-ün təsnifat mərhələsində növbəti oyununu keçirəcək.

Sonxeber.net apasport.az-a istinadən bildirir ki, D qrupunda yer alan komandamız bu gün Sloveniya ilə üz-üzə gələcək.

Hər iki yığma buna qədər keçirdiyi üç qarşılaşmada qalib gəlib. Bu üzdən Voleybol Mərkəzindəki matç liderlərin dueli olacaq.

İlk üç turda rəqiblərinə set də verməyən Eldar Yusubovun yetirmələrinə Sloveniya ilə dueldə istənilən hesablı qələbə sərf edir. Qalibiyyət yığmamıza AVRO-2023-ə vəsiqə qazandıracaq. 

AVRO-2023-ün final mərhələsinə Belçika, İtaliya, Estoniya və Almaniya ev sahibliyi edəcək. Qruplarda birinci və ikinci yeri tutacaq kollektivlər final mərhələsində iştirak hüququ qazanacaq.

Bu, millinin tarixində ardıcıl 10-cu final mərhələsi olacaq. Voleybolçularımız 2005-ci ildə debüt etdiyi qitə çempionatlarının daimi iştirakçısına çevrilib.

Qeyd edək ki, yığmamız növbəti oyununu sentyabrın 7-də səfərdə Sloveniyaya qarşı keçirəcək.

AVRO-2023-ün təsnifat mərhələsi
D qrupu
3 sentyabr
18:00. Azərbaycan - Sloveniya - 1:1 (11:25, 25:19, 4:7)
Bakı. Voleybol Mərkəzi