Aktual mövzular: Dollar alış-satışı, Məzənnə, Neftin qiyməti

İranda nümayişlər dağıdılıb, həbs olunanlar var

Tarix: 23 Sentyabr 2022 08:30

Cümə axşamı İranın paytaxtı Tehran, habelə Təbriz, İsfahan və digər şəhərlərində polislə küçə nümayişçiləri arasında toqquşmalar baş verib.

Milli.Az "report"a istinadən bildirir ki, bu barədə "AlHadath" telekanalı məlumat yayıb.

Məlumata görə, güc strukturunun əməkdaşları tələbə təşkilatları və hüquq müdafiəçilərinin çağırışı ilə keçirilən aksiyada bir neçə nəfəri həbs edib.

İranın paytaxtı və digər şəhərlərində iğtişaşlar altı gündür davam edir. Telekanalın məlumatına görə, hüquq-mühafizə orqanları ilə toqquşmalarda 30-dan çox insan həlak olub, onlarla insan yaralanıb, yüzlərlə insan saxlanılıb.

Qeyd edilir ki, Şiraz və Məşhəddə polis əməkdaşlarına qarşı hücumlar olub, "Bəsic" İslam xalq könüllüləri dəstəsinin bir zabiti və iki döyüşçüsü öldürülüb.

Milli.Az

Whatsapp ilə göndər