Linzanı çıxartmadan çimən qız kor oldu

Tarix: 10 Oktyabr 2022 17:58

Böyük Britaniya sakini kontakt linzanın altına düşən təhlükəli bakteriya səbəbindən gözünü itirib.

Sonxeber.net bildirir ki, bu barədə "Metro" məlumat yayıb.

54 yaşlı Mari Meyson görmə qabiliyyətinin zəif olması səbəbindən uzun illər linza taxıb. Onlarda çimmək və yuyunmaq tövsiyə edilməsə də, o, bunu müntəzəm olaraq edib. Bir dəfə duşdan sonra qadın sol gözündə narahatlıq hiss edib: ona elə gəlib ki, içəridə nəsə ilişib. Əvvəlcə qadın problemi təkbaşına həll edəcəyinə ümid etsə də, sonra görmə qabiliyyətinin pisləşməyə başladığını görüb və həkimə müraciət edib.

Oftalmoloq xəstəni müayinə edib və gözün qismən və ya tam görmə itkisinə səbəb ola bilən Acanthamoeba Keratitis bakteriyasına yoluxduğunu bildirib. Beş il ərzində britaniyalı qadın üç buynuz qişa transplantasiyası da daxil olmaqla bir sıra uğursuz əməliyyatlar keçirib, lakin infeksiyadan xilas ola bilməyib. Nəticədə həkimlər gözü çıxarmaq qərarına gəliblər.

Gözün çıxarılmasından iki il keçib. Bu müddət ərzində Meyson demək olar ki, adi həyatına qayıdıb: o, administrator köməkçisi işləyir, ərinə və kilsədə könüllülərə kömək edir. Tamamilə imtina etməli olduğu yeganə şey maşın sürmək olub.

"İstəmirəm kimsə düşünsün ki, insanlardan kontakt linza taxmamağı xahiş edirəm. Kontakt linzaların taxılması tamamilə normaldır, ancaq diqqətli olmaq lazımdır. Ən çox da suya aiddir. İstəyirəm ki, istehsalçılar qablaşdırmalarına su və kontakt linzalar haqqında daha çox xəbərdarlıq etsinlər", - Mari Meyson deyib.

İrfan Vəliyev