Mina BOŞANMASINDAN DANIŞDI: ''Dedi ki, nə evim var, nə də sənə baxacaq pulum'' - VİDEO

Tarix: 15 Oktyabr 2022 09:40

"Həyat yoldaşım Sərxan mənə evdən küçəyə çıxmağa icazə vermirdi. Telefonumu götürüb, qapını üzümə bağlayıb, evdən çıxıb gedirdi. O, qohumlarımla belə mənə görüşməyə icazə vermirdi. Ona etiraz edirdim. Bu altı ay davam etdi. Ailəmin dağılmasını istəmirdim. Ailəyə müqəddəs kimi yanaşırdım. Ana olmaq istəyirdim. Amma çox təəssüf ki, başıma belə bir hadisələr gəldi" .

Sonxeber.net bizim media-ya istinadən xəbər verir ki, bu sözləri müğənni Mina Hüseyn "MTV maqazin" verilişinə müsahibəsində deyib.

Sənətçi həyat yoldaşı Sərxan tərəfindən aylarla işgəncələrə məruz qaldığını və ailəsinin dağılmasını istəmədiyini vurğulayıb:

"Nikahımızın ilk günü Sərxan mənə "Instagram" hesabımı bağlamağı və incəsənətdən uzaqlaşmağımı söylədi. Onsuz da mən efirlərə çıxıb deyirdim ki, ailə qursam, hər şeyi bağlamağa hazıram.

O təqdirdə ki, işimdən ayrılıramsa həyat yoldaşım mənə həm mənəvi həmdə maddi dəstək olacaq. Hər qadın istəyər ki, onun həyat yoldaşının evi, avtomobili və daimi işi olsun. Evlənəndə dedi ki, 3 evi var - ikisi mikrorayonda, biri isə "Azur"da. Heç nəyə ehtiyyacım olmayacağına, hər şeyi özü edəcəyinə söz verdi. Məndə onun bu şərtlərinə "Hə" deyib, razılaşdım".

Sənətçi bildirib ki, deyilən vədlər özünü doğrultmayıb:

"Biz evləndikdən sonra üç ay kirayədə yaşadıq. Mənə söylədi ki, üç aydan sonra "Azur"a köçəcəyik. O zaman var-dövlət hayında deyildim. Sadəcə sağlam ailəistəy irdim. Lakin bu insan məni aldatdı. Sonra da etiraf etdi ki, vədləri yalandır.Nə evləri var, nə pulu. Daha sonra mənə vətəndaşlıqdan imtina edib Fransaya köçməyi təklif etdi. Anladım ki, oyunun içinə düşmüşəm. Gördüm ki, artıq uçuruma doğru gedirəm. Onunla bir yerdə qalmağım artıq mümkün deyildi".

Mina bir neçə gün öncə ayrıldığını etiraf edib:

"Biz doqquz oktyabrda ayrıldıq. Birlikdə yaşadığımız evdən bütün əşyalarımı götürüb, köçmüşəm.

Sənətçi keçmiş həyat yoldaşının boşanmaya ilk addım atması ilə bağlı iddialarına cavab olaraq bildirib ki, ilk müraciəti 2 vəkil tutaraq özü edib və bazar ertəsindən etibarən boşanma prossesinə start veriləcək.

Mina müsahibəsində həyat yoldaşının ailəsi tərəfindən arzuolunmaz gəlin olduğunu etiraf edib:

"Sərxanın xalası mənə yazdı ki, o səni çox bəyənir, səninlə evlənmək istəyir. Bir sözlə onun ailəsi tərəfindən ilk addımı xalası atıb. Anası ilə qardaşı isə evliliyimizə qarşı idilər. Nikahımızda əmisi oğlu şahid gismində iştirak edib. Onlar necə yalançı oğullarını tanımırdılar. Sərxanın ailə üzvləri ilə mənim ailə üzvlərim arasında münasibət olmayıb".

Keçmiş həyat yoldaşının şəkillərinin paylaşılmasına qarşı çıxmasına isə sənətçi bildirib ki, belə bir qanun yoxdur ki, rəsmi həyat yoldaşı ərinin fotolarını paylaşa bilməz.

"Ümumiyyətlə bizim boşanmağımızı gündəmə gətirmək istəmirdim. Amma o çıxıb, boşanmağımızla bağlı açıqlama verərək hər şeyi korladı. Mən də bu məsələlərin ardını davam etdirmək məcburiyyətindəyəm",-deyə Mina qeyd edib.

Qeyd edək ki, Minanın boşanma xəbərini olay.az saytı yazıb.