Əməkdar artist Şuşadakı evini teatra bağışladı

Tarix: 26 Oktyabr 2022 11:05

Əməkdar artist Yadigar Muradov Şuşadakı evini Şuşa Dövlət Musiqili Dram Teatrına bağışlayıb.

Sonxeber.net axşam.az-a istinadən xəbər verir ki, aktyor bu haqda "7 Canlı" proqramında danışıb. O bildirib ki, evi dağıdılmayıb, olduğu kimi durur:

"Hazırda evimdə 35 nəfər yaşayır. Onlar Şuşada bərpa işləri görənlərdir. Orada 1 il 8 ay yaşamışdım. Böyük bir evim var idi. Ermənilər də orada hərbi işlər üçün istifadə edirdilər.

Bizim teatrımız yoxdur, dağıdılıb. Biz ömürboyu ikiotaqlı, balaca yerdə məşq etmişik. Evimin birinci mərtəbəsində teatrda çalışan və orada evi olmayanlar yaşaya bilər. Bunun üçün hər bir şərait var. Yuxarıda isə tamaşa oynamaq üçün yerim var".

Qeyd edək ki, Yadigar Muradov eyni zamanda Şuşa Dövlət Musiqili Dram Teatrının direktorudur.