Aktual mövzular: Dollar alış-satışı, Neftin qiyməti, COP29, Hava proqnozu
Tarix: 2 May 2019 16:32
Bakı. Trend:
3 may 2019-cu il tarixdə Azərbaycan Mətbuat Şurasının təşəbbüsü ilə 3 may Ümumdünya Mətbuat Azadlığı Gününə həsr olunmuş “Mətbuat azadlığı: bəşəri mahiyyət və Azərbaycan reallıqları” mövzusunda konfrans keçiriləcək.
Mətbuat Şurasından Trend-ə verilən məlumata görə, tədbir saat 10.00-da Beynəlxalq Mətbuat Mərkəzində işinə başlayacaq.
Toplantıda Azərbaycanda və dünyada söz və ifadə azadlığı sahəsindəki vəziyyət, bu müstəvidə nəzərəçarpan meyllər müzakirə olunacaq, 3 may Ümumdünya Mətbuat Azadlığı Gününün qeyd edilməsini zəruriləşdirən məqamlar barədə söhbət açılacaq. Konfransda kütləvi informasiya vasitələrinin rəhbərləri, ictimaiyyət nümayəndələri və dövlət rəsmiləri iştirak edəcəklər.
Bütün KİV təmsilçiləri konfransa dəvətlidirlər.
Trend-in ən mühüm və maraqlı xəbərlərini "Telegram"da izləyin