Kiyevdə partlayış səsləri: 10 İran dronu məhv edildi - VİDEO

Tarix: 14 Dekabr 2022 12:24

Səhər saatlarından Ukraynanın Kiyev, Jitomir və Vinnitsa bölgələrində hava xəbərdarlığı elan edilib.

Tezliklə Kiyev vilayətində (xüsusilə Kiyevin kənarında və paytaxtın özündə) partlayışların eşidildiyi barədə xəbərlər yayılmağa başlayıb.

Sonxeber.net xəbər verir ki, daha sonra Kiyev Regional Hərbi Administrasiyasının rəhbəri Aleksey Kuleba hava hücumundan müdafiə sisteminin işlədiyini təsdiq edib:

"Kiyev vilayəti, səhər saatlarında. Hava hücumundan müdafiə işləyir".

Kuleba vurğulayıb ki, hazırda sığınacaqlarda və təhlükəsiz yerlərdə olmaq vacibdir. Hər üç ərazidə həyəcan siqnalı davam edir.

Paytaxt meri Vitali Kliçko deyib ki, Kiyevin Şevçenkovsk rayonunda partlayış baş verib. 

Kliçkonun sözlərinə görə, rusların istifadə etdikləri İran kamikadze-dronlarının xeyli hissəsi artıq vurulub: "Kiyev vilayətində və paytaxt üzərində hava hücumundan müdafiə ümumilikdə 10 ədəd "Şahed" dronunu vurub".