Aktual mövzular: Dollar alış-satışı, Neftin qiyməti, COP29, Hava proqnozu

Almaniyada bir sıra hava limanlarında bütün uçuşlar təxirə salındı

Tarix: 16 Fevral 2023 22:50

Almaniyanın "Lufthansa" aviaşirkəti tətil səbəbilə Frankfurt və Münhen hava limanlarından sabaha planlaşdırılan bütün reyslərin ləğv edildiyini bildirib.

Sonxeber.net "qafqazinfo"-ya istinadən xəbər verir ki, bu hava limanlarından olacaq 1300 reys ləğv edilib.

Buna görə digər hava limanlarında müxtəlif istiqamətlərdə reyslərin ləğvi və gecikmələri də gözlənilir.

"Lufthansa"dan verilən açıqlamada, ləğvlərdən təsirlənən sərnişinlərin əvvəlcədən məlumatlandırıldığı və sərnişinlərə alternativ rezervasiya təkliflərinin olduğu qeyd edilib.

Açıqlamada, 18 fevral 2023-cü il şənbə günündən etibarən hava limanlarında müntəzəm uçuş əməliyyatlarının normala dönəcəyi bildirilib.

Whatsapp ilə göndər