Afaq Bəşirqızı: “Aktyorlar üçün qəbiristanlıq yaradılsın” - VİDEO

Tarix: 14 Aprel 2023 18:25

"Neçə vaxtdır deyirəm ki, aktyorlar üçün qəbristanlıq yaradılsın. Çünki aktyorlar, incəsənət adamları rəhmətə gedəndə hamı qalır bir-birinə baxa-baxa. Çətinlik çəkilir, gözləyirlər ki, Qurd qapısından, Xırdalandan xəbər verilməlidir".

Sonxeber.net bizim.media-ya istinadən xəbər verir ki, bu sözləri Xalq artisti Afaq Bəşirqızı "ATV səhər" verilişinə müsahibəsində deyib.

Aktrisa Rusiyada olan "Novodeviçye" qəbristanlığını misal çəkərək Azərbaycanda da eynisinin yaradılmasını təklif edib:

"Tanınmış aktyorlar bir yerdə dəfn edilməlidir. "Novodeviçye" qəbristanlığına giriş bizim pulla 5 manatdır. Oradan yığılan pul isə işçilərə verilir. Onlar da qəbirləri, otları təmizləyir, çiçəklər əkirlər".

Qeyd edək ki, A.Bəşirqızı təklifi bir neçə gün əvvəl keçirilən Teatr Forumunda da edib.