Aktual mövzular: Dollar alış-satışı, Məzənnə, Neftin qiyməti

“Lentsov Bakıdan əliboş yola salınıb, ən qısa vaxtda yenidən...” – Nersisyan

“Lentsov Bakıdan əliboş yola salınıb, ən qısa vaxtda yenidən...” – Nersisyan

Tarix: 7 May 2023 19:30

"Rusiya sülhməramlı qüvvələrinin komandanı, general Aleksandr Lentsovun Bakıda apardığı müzakirələr nəticə verməyib".

Milli.Az teleqraf.com-a istinadən xəbər verir ki, bunu Xankəndidəki separatçı rejimin "dövlət naziri" Qurgen Nersisyan deyib.

"Məlum olduğu kimi, general-polkovnik Lentsov başda olmaqla Rusiya sülhməramlı qüvvələrinin komandanlığı bu həftə Bakıda olub və Qarabağdakı durumu müzakirə edib. Müzakirələrin nəticələrinə görə, vəziyyəti dəyişmək üçün razılığa gəlmək mümkün olmayıb. Ən qısa müddətdə yeni görüş planlaşdırılır, bunun nəticələri əlavə olaraq bildiriləcək", - separatçı bildirib.

General Lentsov mayın 4-də Azərbaycanın paytaxtında olub. Məlumata görə, Bakıya gəlməmişdən əvvəl baş separatçı Araik Arutyunyan Lentsovdan Azərbaycanın Laçın yolunun başlanğıcındakı sərhəd-buraxılış məntəqəsinin ləğv edilməsi üçün Rusiya tərəfinin addım atmasını istəyib. Separatçılar bu məsələ ilə əlaqədar Bakıya gələnədək rus generalla iki dəfə görüşüblər. Görünən budur ki, Lentsov Bakıda həm separatçıların, həm də Moskvanın istəyinə nail ola bilməyib.

Milli.Az


Etiketlər:  Lentsov Bakıdan əliboş yola salınıb ən qısa vaxtda yenidən Nersisyan


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ