Tənzilə Narbayeva: Özbəkistanda Ulu Öndərin xatirəsi dərin hörmətlə yad olunur

Tarix: 15 May 2023 17:18

Özbəkistanda Ulu Öndərin xatirəsi dərin hörmətlə yad olunur və dahi şəxsiyyətin anadan olmasının 100 illiyi münasibətilə tədbirlər davam edir.

Sonxeber.net AZƏRTAC-a istinadən bildirir ki, bu barədə Özbəkistan Ali Məclisi Senatının sədri Tənzilə Narbayeva Prezident İlham Əliyevlə görüşündə bildirib.

Qonaq hər iki dövlət başçısının rəhbərliyi ilə Azərbaycan və Özbəkistanda bütün sahələrdə uğurların əldə edildiyini vurğulayaraq Ümummilli Liderin 100 illiyinə həsr olunmuş Milli Məclisin xüsusi iclasında iştirakından məmnunluq hissi keçirdiyini və Ulu Öndərin ölkələrimiz arasında dostluq münasibətlərinin qurulmasında xüsusi rolunu qeyd edib.

Özbəkistan Ali Məclisi Senatının sədri bildirib ki, torpaqlarımızı işğaldan azad etməklə Azərbaycan Prezidenti ata vəsiyyətini yerinə yetirib və Azərbaycan xalqının qəhrəmanı olaraq tarixi missiya həyata keçirib.