Şəhriyar Top 20-də

Tarix: 8 Sentyabr 2023 16:32

Sent-Luis Şahmat Klubu sentyabr ayı üçün ənənəvi universal reytinqini açıqlayıb.

Sonxeber.net İdman.biz-ə istinadən xəbər verir ki, onun özəlliyi ondan ibarətdir ki, vahid sıra cədvəlində şahmatçıların müxtəlif vaxta nəzarəti olan yarışlarda - klassik, rapid və ya blits üzrə çıxışları nəzərə alınır. Qrossmeysterlərimiz arasında ən yüksək yerlər 18-ci yerdə olan Şəhriyar Məmmədyarova (2746) məxsusdur.

Teymur Rəcəbov (2696) 45-ci, Rauf Məmmədov (2680) isə 64-cü yerdə qərarlaşıb. Bakıda keçirilən Dünya Kubokunda dördüncü yeri tutan Nicat Abasov (2669) Top 100-ə düşüb. Səksəninci yerdə məskunlaşdı.

Maqnus Karlsen (2846) liderlik edir, Hikaru Nakamura (2799) və Əlireza Firuzca (2796).