Ginekoloq uşağın boyuna təsir edən amilləri açıqladı

Tarix: 5 Oktyabr 2023 22:27

Dünyaya gələn uşağın boyu uzundursa, bu, o demək deyil ki, gələcəkdə də hündürboy olacaq.

Sonxeber.net publika.az-a istinadən xəbər verir ki, bu sözləri mama-ginekoloq Stanislav İvaxa öz teleqram kanalında yazıb.

"Mən tez-tez, adətən doğuşdan sonra ilk dəqiqələrdə xəstələrdən bu sözləri eşidirəm: "Oh! O, nə qədər kiçikdir! Cəmi 49 santimetr". Və ya: "Vao, 58 santimetrə qədər! O, atası kimi hündür olacaq", - ekspert etiraf edib.

Ginekoloq izah edib ki, uşağın böyüməsi yalnız həyat tərzindən və genetikasından asılıdır. Məsələn, valideynlərin ümumi boyu üç metrdən çox deyilsə, uzun boylu bir qız gözləməyin mənası yoxdur. Həmçinin boyu iki metr olan ataların hündürboy uşaq sahibi olma ehtimalı daha çoxdur.

Ancaq bir amil var - vaxtından əvvəl doğuş. Əgər körpə vaxtından əvvəl, 37 həftədən əvvəl doğulubsa, o zaman çox güman ki, boyu qısa olacaq", - həkim yekunlaşdırıb.