Ərdoğandan ÇAĞIRIŞ: Əməliyyatları dərhal dayandırın

Tarix: 20 Oktyabr 2023 20:26

Türkiyə Prezidenti Rəcəb Tayyib Ərdoğan İsraili hücumlarının miqyasını genişləndirməyərək, əməliyyatları dərhal dayandırmağa çağırıb.

Sonxeber.net APA-ya istinadən bildirir ki, bu barədə ölkə başçısının "X" sosial şəbəkəsindəki rəsmi hesabındakı paylaşımında deyilir.

O, bütün dövlətləri və beynəlxalq təşkilatları Qəzzada humanitar atəşkəsin tezliklə bərqərar edilməsi təşəbbüsləri səmimi şəkildə dəstəkləməyə dəvət etdiyini də bildirib: "Türkiyə daha çox günahsız insanın qanının tökülməsinin, daha humanitar böhranların qarşısını almaq və Fələstindəki münaqişələrin dönüşü olmayan nöqtəyə çatmadan həlli üçün üzərinə düşəni etməyə davam edəcək".