Aktual mövzular: Dollar alış-satışı, Neftin qiyməti, COP29, Hava proqnozu

Mayk Conson bu vəzifəyə namizəd oldu

Tarix: 25 Oktyabr 2023 08:24

ABŞ-da çərşənbə axşamı axşam keçirilən qapalı səsvermədən sonra respublikaçıların əksəriyyəti konqresmen Mayk Consonun (Luiziana ştatından) Konqresin Nümayəndələr Palatasının spikeri vəzifəsinə yeni namizəd kimi irəli sürülməsini dəstəkləyib.

Milli.Az report-a istinadən xəbər verir ki, spiker seçilmək üçün 128 partiya üzvünün səs verdiyi 51 yaşlı Consonun Nümayəndələr Palatasının tam tərkibində səs qazanması lazımdır. Keçmiş radio aparıcısı lazım olan 217 səsi toplamaq üçün Konqresin aşağı palatasına nəzarət edən respublikaçılar arasında partizan bölünməni aradan qaldırmalıdır.

Bundan əvvəl respublikaçılar tərəfindən oktyabrın 24-də spikerliyə namizəd kimi irəli sürülən konqresmen Tom Emmer (Minnesota ştatından) həmin vəzifə uğrunda mübarizədən imtina etmək qərarına gəlib. Emmerin namizədliyi irəli sürüldükdən sonra bir qrup respublikaçı Nümayəndələr Palatasında səsvermədə onu dəstəkləməyəcəklərini bildiriblər. Bu o demək idi ki, Emmerin spiker seçilmək şansı faktiki olaraq yox idi. Qeyd edək ki, ABŞ-ın keçmiş prezidenti Donald Tramp da Emmerin namizədliyinə qarşı çıxıb.

Milli.Az

Whatsapp ilə göndər