Bizi sürətlə qocaldan vərdiş

Tarix: 27 Oktyabr 2023 06:30

Əgər tez-tez smartfon, kompüter istifadə edirsinizsə və televizora baxırsınızsa, bədənin yaşlanma prosesi sürətlənir, çünki ekranlardan çıxan mavi işıq dəriyə mənfi təsir göstərir.

Sonxeber.net publika.az-a istinadən xəbər verir ki, Oreqon Dövlət Universitetinin (ABŞ) alimləri bu qənaətə gəliblər. Alimlərin araşdırmalarının nəticələri "Frontiers in Aging" nəşri dərc edib.

"Mavi işığa həddindən artıq məruz qalma əsas hüceyrə funksiyamıza təsir edir və erkən qocalmağa gətirib çıxarır. Xüsusi metabolitlərin səviyyələri - hüceyrələrin düzgün işləməsi üçün lazım olan kimyəvi maddələr mavi işığa məruz qaldıqda dəyişir", - müəssisənin inteqrativ biologiya kafedrasının professoru Yadviqa Gibultoviç izahında qeyd edib.

Onun sözlərinə görə, mavi işıqdan demək olar ki, bütün hüceyrələr təsirlənib. Sınaqlar meyvə milçəkləri üzərində aparılıb. Məhz bu həşəratlarda "orqanizm" stimullara insan kimi reaksiya verir. Mütəxəssislər zərərin hər hansı bir LED-dən gəldiyini müəyyən ediblər. Erkən qocalmanın qarşısını almaq üçün mütəxəssislər əmindirlər ki, sadəcə olaraq qadjetlərlə keçirdiyiniz vaxtı minimuma endirməlisiniz.

Araşdırma milçəklərin çox sıx mavi işığa məruz qaldığı qənaətinə gəlib. Adi həyatda bir insan bu parıltının daha kiçik bir dozasını alır, lakin bu, hüceyrə yaşlanmasının əhəmiyyətli dərəcədə sürətləndirilməsi faktını dəyişdirmir.